Kama kuna kitu kinachowashinda wanawake wengi duniani ni kuendelea kulitunza umbo walilokuwa nalo enzi za usichana ama enzi hizo wakiwa mabinti hadi wakati ambapo umri umeenda ama wamepata watoto halafu wanapata huduma zote kwa kiwango cha daraja la kwanza.Mwimbaji Ashanti Shequoiya Douglas mwenye umri wa miaka 35, yeye ni mmoja kati ya wanawake maarufu wanaopata huduma ya daraja la kwanza na wana pesa nyingi, lakini bado wanaumbo lenye muonekano wa binti mwenye miaka 25 hivi kibongobongo.
Mwimbaji huyo wa ‘Foolish’ alipoulizwa na Nicolebitchie kuhusu siri ya umbo lake alifunguka kuwa ni uchaguzi wa chakula (kuachana na vyakula vya mafuta mengi), na mpangilio wa kula lakini pia mazoezi yanayoitwa ‘squat’ maalum kwa kukata tumbo.
“You know what? I’m going to be honest with you. This may be TMI but a great colonic does wonders. Wonders… I promise you… Colonics and squats and cut out fried foods.” Alisema Ashanti.
Huenda hii ikawa siri ya umbo la Jennifer Lopez ambaye ana miaka zaidi ya 40 na mama watoto mapacha lakini bado ana umbo la kibinti.
Katika hatua nyingine, Ashanti mbaye albam yake ya ‘Braveheart’ inatarajiwa kuingia sokoni March 4 mwaka huu, amesema tayari watu wengi wameshaisikiliza albam yake na wameipenda sana na kwamba ndani ya wiki mbili zijazo ataenda Jamaica kukutana na Beenie Man na kushuti pamoja video ya wimbo wake ‘First Real Love’.